សម្តេចអគ្គមហាពញាចក្រី ហេង សំរិន រលឹកអនុស្សាវរីយ៍កាលពី៤៥ឆ្នាំមុន ក្នុងគ្រាចេញរំដោះប្រទេសជាតិ និងប្រជាពលរដ្ឋពីរបបប្រល័យពូជសាសន៍

ព្រឹកថ្ងៃអង្គារ ១៣រោច ខែមិគសិរ ឆ្នាំថោះ បញ្ចស័ក ព.ដ.២៥៦៧ ត្រូវនឹងថ្ងៃទី៩ ខែមករា ឆ្នាំ២០២៤ ឯកឧត្តម គង់ គឹមនី អភិបាលរងខេត្ត តំណាងឯកឧត្តម វ៉ា ថន អភិបាលខេត្ត អមដំណើររបស់ សម្តេចអគ្គមហាពញាចក្រី ហេង សំរិន ប្រធានកិត្តិយសក្រុមឧត្តមប្រឹក្សាផ្ទាល់ព្រះមហាក្សត្រ អញ្ជើញទស្សនាវិមានអនុស្សាវរីយ៍ ២ធ្នូ និងអុជធូបបួងសួងគោរពវិញ្ញាណក្ខន្ធយុទ្ធមិត្ត វិរជនស្នេហាជាតិ ដែលបានបាត់បង់ជីវិតក្នុងបុព្វហេតុជាតិមាតុភូមិ និងទីតាំងប្រវត្តិសាស្ត្រនៃការផ្តួលរលំរបបខ្មែរក្រហម ទទួលបានជោគជ័យរំដោះជាតិមាតុភូមិកម្ពុជា ស្ថិតនៅភូមិជើងឃ្លូ ឃុំ២ធ្នូ ស្រុកស្នួល ខេត្តក្រចេះ ។