សមត្ថកិច្ច និងជំនាញពាក់ព័ន្ធ ចុះចាប់បង្ក្រាបបទល្មើសលក់សាច់សត្វព្រៃ…

ខេត្តក្រចេះ ក្រោមការបញ្ជាផ្ទាល់ ពីឯកឧត្តម គឺប៊ុណ្ណារ៉ា ប្រធានព្រះរាជអាជ្ញាខេត្តក្រចេះ ដឹកនាំបញ្ជាផ្ទាល់ ដោយលោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តក្រចេះ។

កាលពីថ្ងៃទី 28 ខែមីនាឆ្នាំ 2025 បានដឹកនាំ កម្លាំងសមត្ថកិច្ចចម្រុះ ចុះបង្ក្រាបទីតាំងស្តុក និងលក់ សាច់សត្វព្រៃខុសច្បាប់ មួយកន្លែង ស្ថិតនៅភូមិសាស្ត្រ ផ្សារស្នួល ឃុំស្នួល ស្រុកស្នួល ខេត្តក្រចេះ ចំណុច ផ្ទះឈ្មោះ កែម នុន្នី ដែលជាមេឈ្មួញរកស៊ីបទល្មើសសត្វព្រៃ ដុះស្លែជាយូរឆ្នាំមកហើយនោះ ។

ប្រភពពីសមត្ថកិច្ចបានឲ្យដឹងថា: ក្រោយពីទទួលបានព័ត៌មានថា ទីតាំងខាងលើមានលួចស្តុក និងលក់សត្វព្រៃខុសច្បាប់ រួចមក

ដោយមានបញ្ជា ពីឯកឧត្តមប្រធានព្រះរាជអាជ្ញា និងដឹកនាំបញ្ជាផ្ទាល់ពីលោក សុធាពិសិដ្ឋ ព្រះរាជអាជ្ញារង បានចុះត្រួតពិនិត្យ
លំនៅដ្ឋាន ឈ្មោះកែម នុន្នី ភេទស្រីអាយុ 39ឆ្នាំ

ជាលទ្ធផលសមត្ថកិច្ចយើង រកឃើញ សំណាកសត្វព្រៃ រួមមាន:
សាច់ឈ្កូស 10គីឡូ សាច់ប្រឹស 18គីឡូ សាច់ជ្រូកព្រៃ 23គីឡូ ចាបស្រូវ100ក្បាល ស្នែងឈ្នូស កន្ទុយកាងោក និងសត្វ ទរទារ រស់។

ក្រោយពី បានត្រួតពិនិត្យឃើញរួចមក សមត្ថកិច្ចយើងបានធ្វើកំណត់ហេតុដកហូត វត្ថុតាងទាំងអស់ខាងលើ និងបញ្ជូន
ជនសង្ស័យ ទៅរដ្ឋបាលព្រៃឈើ ស្នួល
ដើម្បីធ្វើការសាកសួរបំភ្លឺ បន្ថែមតាមនីតិវិធីច្បាប់។