លោក ជៀម ខូយ និងកូនប្រុសស្រីចំនួន២នាក់ទៀត ត្រូវបាន

ឯកឧត្តមឧប ស សុខា បញ្ជាឲ្យអភិបាលខេត្តកណ្តាល បញ្ចប់មុខងារ ពីជំនួយការនិងអនុវត្តនីតិវិធីច្បាប់..

(កណ្ដាល)៖ លោក ជៀម ខូយ ចៅសង្កាត់តាខ្មៅ និងកូនប្រុសស្រីចំនួន២នាក់ទៀត រួមជាមួយឈ្មោះ សុខ សុផា ស្មៀនសង្កាត់តាខ្មៅ ត្រូវបានលោកវរសេនីយ៍ត្រី ហោ សំអុល អតីតនាយប៉ុស្តិ៍នគរបាលរដ្ឋបាលតាខ្មៅមានទីលំនៅផ្ទះលេខ៦៥ ផ្លូវលេខ២ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាលកាលពីថ្ងៃទី១៩ ខែកក្កដា ឆ្នាំ២០២១ ប្ដឹងទៅលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ប្រភពបានឲ្យដឹងថា ក្រោយក្រសួងមហាផ្ទៃបានទទួលពាក្យបណ្ដឹងសុំប្តឹង៖ ១.លោក ជៀម សំរិតធី មន្ត្រីនគរបាល គ្រឿងញៀន នៃអធិការដ្ឋាននគរបាលក្រុងតាខ្មៅ ស្នងការដ្ឋាននគរបាលខេត្តកណ្តាល ២.លោក ជៀម ខូយ ចៅសង្កាត់តាខ្មៅ ៣.លោក សុខ សុផា ស្មៀនសង្កាត់តាខ្មៅ និង៤.លោកស្រី ជៀម សំរិតសោភា ជាអ្នក សរសេរលើសំបុត្រកំណើត(កាន់ឯកសាររត់ការ)ពីបទ«រំលោភអំណាច និងប្រព្រឹត្តអំពើពុករលួយ»។

បន្ទាប់មកក្រសួងមហាផ្ទៃបានចាត់មន្ត្រីធ្វើអធិការកិច្ចនិងពិនិត្យឯកសារពាក់ព័ន្ធរួចមក ក្រសួងមហាផ្ទៃប្រគល់ភារកិច្ចជូនរដ្ឋបាលខេត្តកណ្តាលធ្វើលិខិតណែនាំទៅរដ្ឋបាលសង្កាត់តាខ្មៅឱ្យ «បញ្ចប់មុខងារលោកស្រី ជៀម សំរិតសោភា ជាជំនួយការរដ្ឋបាលសង្កាត់តាខ្មៅ ក្រុងតាខ្មៅ ខេត្តកណ្តាល»។

ទាក់ទិនករណីនេះ ក្រសួងក៏បានឲ្យអនុវត្តនីតិវិធីច្បាប់ទៅលើលោក ជៀម ខូយ ចៅសង្កាត់តាខ្មៅ ក្រុងតាខ្មៅ ខេត្តកណ្តាល ដែលបានចេញសំបុត្របញ្ជាក់កំណើតឱ្យជនជាតិវៀតណាម ដែលជាជនបរទេសអន្តោប្រវេសន៍ផងដែរ។ទន្ទឹមនេះ ក្រសួងមហាផ្ទៃបានសង្កត់ធ្ងន់ៗឲ្យអភិបាលខេត្តកណ្តាល ត្រូវតែអនុវត្តតាមការណែនាំខាងលើនេះឱ្យមានប្រសិទ្ធភាពខ្ពស់៕