នារីម្នាក់បើករថយន្តសេរីទំនើបមួយគ្រឿងFORTHING មិនបានប្រយ័ត្ន ជ្រុលទៅបុក Highlanderរបស់គេខណៈពេលដែលកំពុងឈប់រង់ចាំស្តុប ទៀតអស់ជាច្រើនម៉ែត្រ និងមនុស្សបីនាក់ទៀតបានរងរបួសស្រាលធ្ងន់..

ភ្នំពេញ: កាលពីវេលាម៉ោង១០នឹង៤៥នាទីយប់ថ្ងៃទី១៦ ខែកក្កដា ឆ្នាំ២០២៤ មានករណីគ្រោះថ្នាក់ចរាចរណ៍មួយ បានកើតឡើង ស្ថិតនៅតាមបណ្ដោយផ្លូវជាតិលេខ៦A កែងផ្លូវអូសុីអាយសុី ជាប់ស្តុបនាងមច្ឆា ដែលស្ថិតនៅសង្កាត់ជ្រោយចង្វារ ខណ្ឌជ្រោយចង្វា រាជធានីភ្នំពេញ។ ដែលបង្ករឡើងដោយរថយន្តស៊េរីទំនើបមួយគ្រឿង ម៉ាកFORTHING ពណ៌លឿង បំពាក់ស្លាកលេខ: កម្ពុជា- PHA-2023 បើកបរដោយនារីម្នាក់ក្នុងទិសដៅពីជេីងទៅត្បូង ដោយគ្មានការប្រុងប្រយ័ត្ន លុះមកដល់ចំណុចកើតហេតុបណ្ដាលជ្រុលទៅបុករថយន្ត Highlander ពណ៌សមួយគ្រឿង ពាក់ស្លាកលេខ:ភ្នំពេញ:2W-6249 យ៉ាងពេញទំហឹងខណៈពេលដែលកំពុងឈប់ភ្លើងស្តុប  ថែមទាំងមនុស្សបីនាក់ទៀតបានរងរបួសស្រាធ្ងន់បញ្ជូនទៅសង្គ្រោះបន្ទាន់នៅមន្ទីរពេទ្យ។

ក្រោយពីការកើតហេតុរួចគេឃើញមានសមត្ថកិច្ចមន្ត្រីជំនាញចរាចរណ៍បានមកដល់កន្លែងកើតហេតុផងដែរ ដើម្បីធ្វើការវាស់វែង ប៉ុន្តែភាគីខាងរថយន្តស៊េរីទំនើបខាងលើ បានព្យាយាមក្នុងការដោះស្រាយជាមួយភាគី ខាងជនរងគ្រោះដែរក៏ប៉ុន្តែ ដូចជាមិនត្រូវគ្នាទើបសមត្ថកិច្ចមន្ត្រីជំនាញផ្នែកខាងចរាចរណ៍ បានស្ទូចយករថយន្ត ទៅរក្សាទុក្ខ នៅការិយាល័យចរាចរណ៍ផ្លូវគោកដើម្បីទុក្ខធ្វើការដោះស្រាយតាមនីតិវិធីច្បាប់ចរាចរណ៍ក្នុងព្រះរាជាណាចក្រកម្ពុជា៕