ទេសរដ្ឋមន្រ្ដី គន់ គីម អំពាវនាវកសិករ ដែលជួបបញ្ហាក្នុងវិស័យកសិកម្ម សូមជ្រើសយកការរាយការណ៍ ជាជាងជ្រើសយកការប្រមូលផ្ដុំបិទផ្លូវ និងធ្វើការតវ៉ា

(តាកែវ)៖ ឯកឧត្តមទេសរដ្ឋមន្រ្ដី គន់ គីម អនុប្រធានទី១ គណៈកម្មាធិការជាតិ គ្រប់គ្រង គ្រោះមហន្ដរាយ អំពាវនាវដល់កសិករ ដែលជួបបញ្ហាក្នុងវិស័យកសិកម្ម សូមជ្រើសយកការរាយការណ៍ ជាជាងជ្រើសយកការប្រមូលផ្ដុំបិទផ្លូវ និងធ្វើការតវ៉ា។

ឯកឧត្តមបានសង្កត់ធ្ងន់ថា បើមិនហ៊ានប្ដឹងទៅកាន់មន្រ្ដី សូមប្ដឹងទៅកាន់គណៈកម្មាធិការជាតិគ្រប់គ្រងគ្រោះមហន្ដរាយ លោកនឹងស្វែងរកកិច្ចអន្ដរាគមន៍ជូនឲ្យបានទាន់ពេលវេលា។

សាររបស់ឯកឧត្តមទេសរដ្ឋមន្រ្តី គន់ គីម បានធ្វើឡើងនៅរសៀលថ្ងៃទី២១ ខែមករា ឆ្នាំ២០២៥ ក្នុងឱកាសចុះអន្តរាគមន៍ ដោះស្រាយជូនកសិករ ដែលជួបប្រទះ បញ្ហាខ្វះទឹកសម្រាប់ការបង្កបង្កើនផលស្រូវប្រាំង ក្នុងស្រុកបាទី ខេត្តតាកែវ។